Ish-polici i skuadrës “Shqiponja” Nevaldo Hajdaraj ka ankimuar vendimin e dënimit të dhënë nga Gjykata e Apelit. Ai ka bërë rekurs në Gjykatën e Lartë për vrasjen e Klodian Rasha dy vite më parë. Hajdaraj u akuzua për vrasje me dashje dhe u dënua me 18 vite burg nga Gjykata e Apelit të Tiranës. Kjo gjykatë më vonë do merrte vetem 12 vite dënim të shkurtuar. Kjo gjë shkaktoi zemërim te familajrët e Rashës.
Prokuroria e Tiranës u detyrua të ndryshonte akuzën e fillimit me të cilën e kishte lënë në qeli punonjësin e Policisë. Ky ndyshim i hapi rrugë autorit që të mos pajtohej me vendimet e Gjykatës së Shkallës së Parë dhe as atë të Gjykatës së Apelit. Tashmë ai iu ka drejtuar Gjykatës së Lartë me një rekurs, duke kërkuar që gjykimi i dosjes së tij të kryhet nga një kolegj penal. Kjo pasi ai beson se e ka kryer vrasjen e Klodian Rashës në kushtet e tejkalimit të kritereve të mbrojtjes. Hajdaraj refuzoi që në fillim që ta kishte kryer krimin e rëndë me dashje. Kjo edhe pse Klodiani, në momentin që u qëllua kishte vetëm pak metra të hynte në shtëpinë e tij.
