PrincHarry dhe Meghan Markle po përballen me akuza pas publikimit të dokumentarit. Dyshja dyshohet se përdorën një foto që ata vetë e miratuan që të bëhej duke sugjeruar se shtypi po pushtonte privatësinë e tyre.
Traileri tregoi një fotograf duke marrë një foto të Harry, Markle dhe djalit të tyre të vogël Archie në rezidencën e Kryepeshkopit Desmond Tutu në Afrikën e Jugut në vitin 2019.
Megjithëse fotoja dukej se ishte bërë pa miratimin e tyre , ajo në fakt u shkrep nga një fotograf i cili ishte pjesë e një pakete të akredituar shtypi.
"Kjo fotografi e përdorur nga Harry dhe Meghan për të sugjeruar ndërhyrje nga shtypi është një gënjeshtër," shkroi në Twitter korrespondenti mbretëror britanik Robert Jobson. “Është marrë nga rezidenca e Kryepeshkopit Tutu në Cape Town. Vetëm 3 persona ishin në pozicionin e akredituar. H&M ranë dakord me qëndrimin. Unë isha atje."
Jobson më pas postoi në Twitter një foto të tyre duke prezantuar Archie-n.“Kjo shkrepje nga unë nga i njëjti pozicion i akredituar është bërë në rezidencën e Kryepeshkopit Tutu në Cape Town”. “Nuk ka pasur asnjë ndërhyrje. Askush tjetër nuk u lejua të hynte. Ne i ndamë fjalët dhe fotot me mediat në Mbretërinë e Bashkuar.”
Disa gazetarë zakonisht ftohen t'i bashkohen familjes mbretërore në vizita zyrtare dhe turne të huaja. Shpesh gjatë këtyre udhëtimeve, vetëm një ose dy reporterë dhe fotografë do të ftohen për t'u bashkuar në takime të caktuara si me Kryepeshkopin Tutu. Ata pastaj ua dërgojnë raportimin e tyre kolegëve gazetarë./Lapsi.al
