Pasi mbylli protestën, kreu i Partisë Demokratike, Sali Berisha hodhi akuza ndaj qeverisë. Kryedemokrati tha se ata kanë organizuar sulmin fizik ndaj tij. Ndër të tjera Berisha tha kjo ishte protesta e jetës, që sipas tij do të shkruhet me germa të arta.
“Regjimi i shëmtuar bëri gjithçka që protesta jonë të mos zhvillohej, kaloj edhe në një akt që dëshmoi karakterin për një krimineli si Edi Rama. Ai që e organizoi zgjodhën një person që mund të bëjë çdo gjë. E panë si një masë të fundit pasi ju panë juve protestues. Këtë protestë historia do ta shkruaj me germa të arta. Kjo e sotmja ka qenë kryeprotesta e jetës. Nuk ka forcë në botë që të na ndalojë.” tha Berisha.
Ndërkohë kujtojmë se kreu i PD-së Berisha kërkoi lirimin e Gert Shehut, 31 vjeçarit që e goditi me grusht gjatë protestës së sotme.
