Duket se 'lufta' midis Princit William dhe Princit Harry së shpejti mund të arrijë nivele të paprecedenta.
Këto raportime vijnë nga mediat e huaja veçanërisht kur tensionet midis Harry-t dhe Meghan Markle me 'The Firm' po rriten çdo ditë, ndërsa pritet publikimi i dokumentarit të tyre dhe autobiografisë së Harry-t. Por, ndërsa pjesa më e madhe e dramës ka ardhur nga 'Team Sussex', duket se Will dhe gruaja e tij, Kate Middleton, mund të jenë gati të thyejnë rregullin e Familjes Mbretërore për të mos komentuar publikisht problemet familjare.
Sipas 'The Daily Beast', Will dhe Kate kanë "deklaruar se do të luftojnë kundër asaj që ata e shohin si pretendim të pabazuar që bëjnë Harry dhe Meghan" në dokumenatrin e tyre në 'Netflix'. Nuk është e qartë saktësisht se si do 'luftojnë' Will dhe Kate, por çdo përgjigje nga Princi dhe Princesha e Uellsit do të bënte bujë.
"Ekipi i Princit dhe Princeshës do të presë të shohë se çfarë ka në seritë e Netflix përpara se të vendosë se çfarë të bëjë, por të gjithë e dimë pak a shumë çfarë do ndodhë" -tha një burim për 'Sunday Express'.
Traileri i dokumentarit të Harry dhe Meghan u publikua gjatë udhëtimit të fundit të William dhe Kate në Boston si një "deklaratë lufte".
Dhe teksa ende nuk dihet shumë rreth përmbajtjes së tij, duket se Will dhe Kate (dhe anëtarët e tjerë, si Mbreti Charles dhe Mbretëresha Camilla) ndoshta do të kenë dëshirën për të 'luftuar' kundër pikave/zbulimeve të shumta të bëra në dokumentarë.
"Unë sinqerisht mendoj se do të jetë më keq nga sa mund të imagjinojnë anëtarët e familjes mbretërore. Më kanë thënë se do të jetë krejtësisht shpërthyes dhe do të jetë shumë i dëmshëm... Shumë njerëz janë ose pro Sussex ose pro-William dhe Kate," - tha një burim për 'The Mirror'.
