Me rastin e samitit të BE me Ballkanin Perëndimor, ka nisur edhe përgatitja për t'u shfaqur sa më "europianë" para krerëve të shteteve të Bashkimit Europian. Bulevardi "Dëshmorët e Kombit" ku do të kalojnë krerët e shteteve europiane është dekoruar me flamuj dhe fotot e emrave të shquar të vendeve europiane ndër vite.
Për shqiptarët bie në sy foto e Ismail Kadaresë. Dhe për të kompletuar "kartolinën" është urdhëruar edhe një larje me presion e pllakave para pallatit të Kongreseve siç duket në fotot më poshtë.
