Zef Hila është kandidati i Partisë Demokratike për zgjedhjet lokale në Vaun e Dejës. Deputeti Zef Hila ka marrë një shumicë prej 743 votash. Kandidati i dytë Kolë Shaba ka marrë vetëm 117 vota. Duke qenë se fitoi Primaret, Hila pritet që të dorëzojë mandatin e deputetit dhe të vazhdojë garën për Bashkinë e Vaut të Dejës.
U mbyll procesi i Primareve edhe në Memaliaj. Fitues është shpallur Albert Malaj, kandidati i Partisë së Lirisë. Në votimet e sotme, ai ka marrë 300 vota, përkundrejt 20 që kishte kundërshtari i tij, Bukurosh Ajdini. Ndërkohë që nga votimi dolën edhe 4 vota të pavlefshme. Ndërsa Eduart Sharka fitoi garen brenda PD ne Lushnje me 1021 vota duke u shpallur kandidat i kesaj force politike ne zgjedhjet per kreun e bashkise
Pa surpriza, pa garë në Shkodër konfirmohet kryetari aktual Bardh Spahia, në Elbasan Luçiano Boçi, në Kuçovë Lefter Maliqi.
Në një komunikim për pjesëmarrjen, PD njoftoi se në total deri në orën 17:00 kanë marrë pjesë 51.797 votues
Në Shkodër 3142 votues
Në Lezhë 5070 votues.
Në Kukës 4230 votues.
Në Dibër 3830 votues.
Në Durrës 3240 votues.
Në Tiranë 14263 votues.
Në Elbasan 3582 votues.
Në Korçë 4585 votues.
Në Berat 1468 votues.
Në Fier 4148 votues.
Në Vlorë 2801 votues.
Në Gjirokastër 1438 votues.
"Janë porositur të gjitha qendrat e votimit që të mbahen hapur nëse do të ketë akoma fluks votuesish dhe sipas sinjalizimeve ka ende disa qendra që po mbahen hapur përtej orarit për votuesit që të votojnë akoma dhe më pas do të nisë procesi i numërimit për të cilin do të njoftoheni në raport gjithashtu edhe me pjesëmarrjen përfundimtare, pasi të na vijnë të dhënat e fundit. Për Tiranën dhe dy-tri vende të tjera do të bëhet numërimi në selinë qendrore dhe do të jemi në lidhje. Pasi ky process të mbroj, i cili besoj se do të zgjasë deri në orët e vona" - thuhej ne deklaraten e PD për primaret. /LAPSI.al
