Kryetari i PD-së, Sali Berisha ka folur për akuzat e disa kandidatëve në Primaret për manipulime apo përcaktim të fituesit nga qendra. Berisha i ka hedhur poshtë akuzat.
“Në mënyrë absolute nuk ka pasur asnjë kandidat nga Sali Berisha dhe kryesia e PDs-ë. Se çfarë kanë kuptuar ata kandidatë unë nuk e di se cila është. Ky komision ka bërë një punë të jashtë zakonshme me listat. A ka pasur emra socialistë në ato lista unë nuk e vë dorën në zjarr.
Ne jemi kjo shoqëri që jemi. Kandidati mund të ketë njohje dhe miq socialistë dhe i fton që ta votojnë në PD dhe zgjedhje të përgjithshme. A kanë qenë një problem këto raste? Jo nuk kanë qenë problem. Mund të ketë ndodhur, por nuk ka ndikuar. Nuk përjashtohet mundësia që ndonjë socialist të ketë votuar, por jo nga Rilindja. Ajo është një sekt supermafioz” – tha Berisha.
“Unë me këtë rast, dua të theksoj se, sot ishte hera e pestë që nga 18 dhjetori 2021, që anëtarët dhe anëtaret e PD-së, sot dhe simpatizantët e saj, folën vendosën dhe firmosën me votën e tyre. Nuk besoj se të ketë një forcë tjetër politike gjëkundi që në një hark kohor 12 mujor, të ketë ushtruar me të gjithë anëtarësinë e saj, 5 herë votën e tyre” – tha Berisha për primaret. ©LAPSI.al
