Kim Kardashian ka hedhur poshtë një marrëveshje të vitit 2023 me Balenciaga-n pasi njoftoi se po “rivlerësonte” partneritetin e saj me shtëpinë e modës pas skandalit të tyre të reklamave.
Sipas TMZ, marka iu afrua Kardashian me ofertën përpara se të dilnin imazhet e diskutueshme – por ajo e refuzoi marrëveshjen pak pasi filloi reagimi.
Ylli i “Kardashians”, 42 vjeç, hoqi gjithashtu veshjet e shumta të Balenciaga-s që po planifikonte të vishte në ngjarjet e ardhshme dhe tashmë ka kontaktuar me stilistë të tjerë.
Vendimi i Kardashian për të hequr dorë nga fushata erdhi disa ditë përpara se ajo të denonconte markën, duke thënë se ajo ishte “e tronditur nga imazhet shqetësuese”.
“Kam qenë e heshtur për ditët e fundit, jo sepse nuk kam qenë e neveritur dhe e indinjuar nga fushatat e fundit të Balenciaga-s, por sepse doja një mundësi për të folur me ekipin e tyre për të kuptuar vetë se si mund të kishte ndodhur kjo,” shkroi Kim Kradashian në rrjetet sociale.
“Si nënë e katër fëmijëve, jam tronditur nga imazhet shqetësuese. Siguria e fëmijëve duhet të mbahet me respektin më të lartë dhe çdo përpjekje për të normalizuar abuzimin e fëmijëve të çfarëdo lloji nuk duhet të ketë vend në shoqërinë tone”– thuhet më tej në deklaratën e saj.
Ylli i “Kardashians”, e cila ka pozuar për disa fushata të Balenciaga-s dhe ka ecur në shfaqjen e tyre në pasarelë, vazhdoi të thotë se po “rivlerësonte” marrëdhënien e saj me markën – të cilën me sa duket tani e ndërpreu përgjithmonë.
Pavarësisht se Kim mori reagiime që nuk e kritikoi më herët markën, burimet i thanë TMZ se themeluesja e Skims aktualisht nuk është nën një kontratë me shtëpinë e modës.
Shumë të famshëm të tjerë – përfshirë motrën e Kardashian Kylie Jenner – kanë folur gjithashtu kundër markës luksoze.
