Apeli i Durrësit rikthen në detyrë gjashtë policët e pezulluar për ngjarjen ku mbeti i vrarë Pjerin Xhuvani. Në gjykatën e Apelit Durrës janë zhvilluar seancat gjyqësore për shtetasit nën hetim Dedion Duraku, Pëllumb Biçaku, Erion Balla, Erion Meçja, Donald Dedja dhe Besmir Kadiu. Apeli ka rrëzuar vendimin e Gjykatës së Shkallës së parë në Elbasan. 6 policët në fjalë kanë qenë në detyrë ditën e vrasjes së mjekut psikiatër Pjerin Xhuvani në Elbasan. Pas ngjarjes, në polici u vetë dorëzua si autor i krimit Arbër Papleka, shoqërues i drejtues politik të PD të Elbasanit në atë kohë Gazmend Bardhi. Papleka, ish-efektiv i Reneas qarkullonte në Elbasan i armatosur si pjesë e strukturës për mbrojtjen e votës.
Punonjësit e policisë do të vijojnë të hetohen në gjendje të lirë për ngjarjen.
