Pete Davidson dhe Emily Ratajkowski u panë së bashku në një ndeshje të dielën mbrëma, duke shënuar kështu paraqitjen e tyre të parë publike si çift. Ata u ulën krah për krah në Madison Square Garden për ndeshjen Knicks-Grizzlies dhe fotot u shpërndanë nga ekipi i basketbollit në Instagram dhe Twitter.
Të dy dukeshin mjaft të buzëqeshur teksa pinin birrë mes Ben Stiller dhe Jordin Sparks.
Dyshja nuk i kanë konfirmuar publikisht thashethemet për lidhje, por paraqitja e tyre në ndeshjen Knicks-Grizzlies duket si një konfirmim indirekt.
Davidson dhe Ratajkowski fillimisht ndezën spekulimet për romancë kur dikush i kishte parë të kapur për dore ndërsa ishin në një takim në Brooklyn në fillim të këtij muaji. Më pas, lidhja e tyre u konfirmua kur një burim i tha Us Weekly se ata ishin takuar prej disa muajsh dhe fotot e tyre duke u përqafuar poshtë shtëpisë së Pete bënë xhiron e rrjetit.
