Dy policët që grabisnin qytetarët tek Liqeni Artificial janë lënë në burg. Gjykata ka caktuar masën e sigurisë “arrest në burg” për efektivin e Policisë Bashkiake, Saimir Muzikanti dhe efektivin e Patrullës së Përgjithshme, Serxhio Cani. Ata akuzohen për “vjedhje” përmes kanosjes te qytetarëve.
Në sallën e gjyqit, të dy të dyshuarit nuk kanë dhënë shpjegime. Pas shoqërimit, Muzikanti ka pranuar se u merrte para qytetarë. Cani ka majtur qëndrim mohues për akuzën. Përmes avokatit, 39-vjeçari, Muzikanti ka pretenduar se është dhunuar nga policia dhe se ka bërë kallëzim për këtë fakt.
