Policia e Kosovës ka mundur të gjejë 25-vjeçaren nga Rahoveci, Dorentina Gashi-Spahiu,e cila ishte raportuar e zhdukur nga familjarët rreth 2 javë më parë.
Sipas mediave kosovare e reja kishte braktisur bashkëshortin e saj së bashku me fëmijën e mitur dhe kishte shkuar të bashkëjetonte me një burrë tjetër.
Policia raporton se 25-vjeçareja ishte larguar nga banesa me dëshirën e saj dhe nuk ishte kanosur apo detyruar nga askush.
“E reja është intervistuar nga ana e hetueseve policorë prej ku mësohet se ajo të gjitha veprimet i ka bërë me vetëdëshirë, nuk është kanosur as detyruar nga askush”, thuhet në komunikatën për media.
Në lidhje me rastin është informuar dhe Qendra për Punë Sociale, e cili ka kontaktuar me 25-vjeçaren pas braktisjes së vajzës së saj njëvjeçare.
“Të gjitha veprimet e ndërmarra lidhur me rastin janë bërë në koordinim me Prokurorin e Shtetit”, thuhet më tutje në njoftim.
