Kreu i Partisë Demokratike, Sali Berisha thotë se për protestën e 6 dhjetorit kanë njoftuar edhe policinë, por siç tha ai, përgjigja që kanë marrë është e diktuar nga kryeministri Rama.
“PD është parti e shtetit ligjor, ka njoftuar policinë. Kushtetuta e Shqipërisë dhe Gjykata Kushtetuese kanë vendosur, është krejtësisht i panevojshëm autorizimi i policisë.
Ne kemi njoftuar. Cila është përgjigja? Ajo që dikton Edi Rama, që bëri gjithçka dhe kujtoi se me këtë rast, do shfrytëzojë samitin për të shtypur liritë dhe të drejtat e popullit opozitar, ne e kishim parashikuar, prandaj thirrëm protestë”.
I pyetur nëse Berisha ka marrë mbështetjen e Metës për protestë, ai u përgjigj si më poshtë.
“Plotësisht, të plotë. Në ndjesitë e mia, kjo është thirrje që është mirëpritur më shumë nga qytetarët në gjithë karrierën time politike. Pse? E gjeni vetë ju”. Kështu u shpreh Sali Berisha.
I pyetur nwse protesta e opozitws do tw ishte e qetw, kryedemokrati e konfirmoi.
"Do të jetë një protestë civile, e cila nuk do të cenojë në asnjë rrethanë sigurinë e mysafirëve. Natyrisht një protestë strikt, armiqësore ndaj Edi Ramës."
Lexo më tej: Berisha: Protesta e 6 dhjetorit do të nisë në orën 12:00
Lexo më tej: Kandidatët e Alibeajt në bashki dalin javën tjetër/ Berisha: Çdo emër është i Edi Ramës
