Seanca e sotme parlamentare ku diskutohet për marrëveshjen e Portit të Durrësit, ka nisur me debate të ashpra mes maxhorancës dhe opozitës. Pas kërkesës së Berishës për të shtuar kohën e diskutimeve, kreu i grupit parlamentar të PS-së, Taulant Balla tha se ky Kuvend nuk mund të marrë propozime nga një deputet non grata. Ai shtoi se qeveria duhet vlerësuar sepse nuk do të lejojë non grata të pinë një kafe në portin e Durrësit.
Pas kësaj ka ardhur reagimi i Berishës. Kryedemokrai doli në foltore dhe i kujtoi Ballës se është një deputet që është akuzuar se ka porositur vrasje.
DEBATI:
Sali Berisha: Je akuzuar për vrasje, shko përballu me akuzat, je i akuzuar për vrasje, është hera e dytë që akuzohesh për porosi vrasjesh. Mos përdor imunitetin, shko dhe jep llogari. Nuk e lan dot me asgjë porosinë për vrasjen e Ravik Gurrës.
Taulant Balla: Kërkoj masë përjashtimi, kërkoj masë.
Sali Berisha: Shko në Prokurori, je i akuzuar për vrasje
Albana Vokshi: Jepi fjalën, ose nuk ikim.
Edmond Spaho: Ose jepi fjalën ose na përjashtona të gjithëve,. parlament pa opozitë nuk ka.
Sali Berisha: Unë përfaqësoj këtu shqiptarët. Nëse ju nuk respektoni të drejtat tona, ne do të fitojmë betejën tonë. Mos ikni nga salla, këta kërkojnë të vënë censurën, ky është akt vjedhjeje. Nuk dua ti jap përgjigje atij që është i akuzuar për vrasje. ça thotë ai mo ça thotë, avokati i Taulantit, o kone
