Shtëpia luksoze e modës Balenciaga ka kërkuar falje për paraqitjen e fëmijëve në një reklam që u cilësua si abuzuese.
Të shkrepura nga fotografi Gabriele Galimberti, imazhet e lidhura me fushatën Balenciaga Gift Shop shfaqnin fëmijë të vegjël të veshur në linjën Balenciaga Kids.
Sipas njoftimit origjinal për shtyp të lëshuar javën e kaluar, "fushata përsëritet në serinë e artistit Toy Stories, një eksplorim i asaj që njerëzit mbledhin dhe marrin si dhurata".
Në deklaratën origjinale për shtyp, kompania tha se linja përmbante "dhjetëra produkte të reja duke filluar nga pajisjet shtëpiake, veshjet dhe aroma, nga artikujt e përditshëm deri te koleksionet me botime të kufizuara dhe mobiljet me porosi".
Por pati një përgjigje të zemëruar në mediat sociale ndaj shkrepjeve që shfaqnin fëmijë të vegjël me çanta arushi, të deformuar. Një fëmijë është fotografuar me një shumëllojshmëri gotash bosh vere.
©LAPSI.AL
CNN
