Protesta e banorëve të fshatit Picallë, kundër projektit që ka nisur në zonën e tyre, e që izolon 70 familje është përshkallëzuar. Në momentin që kanë parë mbërritjen e forcave të policisë në terren, banorët kanë shembur portën rrethuese. Kjo e fundit sipas tyre izolon zonën.
Dy portat që janë vendosur nga kompania pa i lajmëruar banorët, ka izoluar më shumë se 70 familje. Banorët thonë se projekti që po bëhet është i paligjshëm. Ata shtojnë se kanë dokumente që vërtetojnë këtë gjë. Gjithashtu banorët thonë se ata nuk janë konsultuar fare për këtë projekt.
