Reshjet e para të borës kanë përfshirë ditën e sotme edhe Korçën. Zonat më të larta malore si Mali i Thatë, Mokra dhe fshati Shtyllë janë 'zbardhur'. Nuk paraqiten problematika për shkak se reshjet e borës kanë qenë jo në formë të dendur.
Edhe fshati turistik i Dardhës mbrëmjen e djeshme është prekur disa minuta nga bora. Temperaturat ditën e sotme shënojnë 9 gradë maksimale dhe 4 minimalja, ndërkohë që ditën e premte pritet që temperaturat të shkojnë nën zero. Nuk ka asnjë problematike nga situata e reshjeve në qark.
