Lionel Richie pranoi së fundmi çmimin 'AMA Icon Award' duke u bërë artisti i vetëm që ngjitet në skenë në çdo dekadë që nga fillimi i shfaqjes. Teksa pranoi çmimin,Richie falënderoi familjen dhe kolegët e tij dhe vendosi t'u fliste drejtpërdrejt "superyjeve të rinj".
"Ajo që dua të them dhe të marr këtë kohë për të bërë është të flas me superyjet e rinj. Zoti ju ka dhënë një dritë. Ajo dritë është e veçantë. Ajo u jepet vetëm disave," tha ai. "Kur dëgjoni fjalën 'frymëzues' do të thotë përgjithmonë. Nëse keni një shans ta keni atë dritë mbi ju, kuptoni se çfarë ka rezervuar Zoti."
Lionel vazhdoi: "Ai nuk po përpiqet t'ju tregojë se makina juaj duket e mrekullueshme.Apo se rrobat tuaja duken të shkëlqyera. Ai/ajo/nëna/Zoti po përpiqet t'ju tregojë se ju jeni zgjedhur për të frymëzuar. Merrni këtë mundësi. Ajo dritë është mbi ju. Frymëzoni."
Pasi mbaroi fjalimin, Stevie Wonder dhe Charlie Puth dolën në skenë, ku secili këndoi me radhë pjesë të hiteve më të mëdha të Richie në piano.Wonder mbuloi hite si "Three Times a Lady" , "All Night Long (All Night), "Brick House" dhe "Jesus Is Love". Ndërkohë Puth performoi "Easy" dhe "Say You, Say Me". Në fund, dyshes iu bashkuan Robinson, Melissa Etheridge, Ari Lennox, Jimmie Allen, Yola, Dustin Lynch dhe Muni Long për të përfunduar me "We Are the World".
Sipas një njoftimi për shtyp, çmimi AMA Icon i jepet një artisti, puna e të cilit ka patur një ndikim global mbi industrinë e muzikës dhe botën. Richie - i cili fitoi AMA-n e tij të parë në 19179 - tani ka 18 fitore . Ai ka shitur më shumë se 125 milionë albume dhe ka katër çmime Grammy dhe 12 hite nr. 1./Lapsi.al
