Sekretari i Përgjithshëm i NATO-s, Jens Stoltenberg ka reaguar pas dështimit për një marrëveshje me kryeministrit të Kosovës Albin Kurti dhe Presidentit serb Aleksandër Vuçiç në takimin e mbajtur prej tyre këtë të hënë në Bruksel. Kreu i Aleancës shpreh zhgënjim për këtë situatë.
Ai thotë se “duhet të shmanget përshkallëzimi i situatës”. Stoltenberg tha se ka biseduar edhe me Shefin për Politikë të Jashtme dhe Siguri të BE-së, Josep Borrell. Ai ka kërkuar zgjidhje pragmatike për këtë çështje duke shtuar se NATO dhe KFOR janë viligjentë.
“Fola me Josep Borrell. Jemi të zhgënjyer që nuk ishte e mundur të zgjidhej mosmarrëveshja e targave. Tani është koha për përgjegjësi dhe zgjidhje pragmatike. Përshkallëzimi duhet të shmanget. NATO dhe KFOF mbeten vigjilentë”, - ka shkruar kreu i NATO-s në Twitter. ©LAPSI.al
https://twitter.com/jensstoltenberg/status/1594757689279942656?ref_src=twsrc%5Etfw%7Ctwcamp%5Etweetembed%7Ctwterm%5E1594757689279942656%7Ctwgr%5E87b5c345ee975220f4c2fa7c1f9b87cfa5accb44%7Ctwcon%5Es1_&ref_url=https%3A%2F%2Fwww.gazetaexpress.com%2Fstoltenberg-telefonon-borrellin-per-kosoven-te-shmangen-eskalimet-kfor-i-eshte-vigjilent%2F
LEXO EDHE: Dështon takimi Kurti-Vuçiç. BE fajëson Prishtinën
