Kreu i FBI-së deklaroi së fundmi se është “jashtëzakonisht i shqetësuar” për kërcënimin e perceptuar të sigurisë kombëtare që paraqet TikTok.
Christopher Wray u tha ligjvënësve amerikanë se aplikacioni në pronësi kineze mund të përdoret në mënyra të ndryshme për të rrezikuar sigurinë e përdoruesve. Për të ndikuar në mënyrën se si ata votojnë ose perceptojnë çështje të caktuara.
“Ne kemi shqetësime për sigurinë kombëtare në lidhje me TikTok,” u shpreh Wray. “Ato përfshijnë mundësinë që qeveria kineze mund ta përdorë atë për të kontrolluar mbledhjen e të dhënave. Ose algoritmin e rekomandimit, i cili mund të përdoret për operacionet e ndikimit nëse ata dëshirojnë. Ose për të kontrolluar softuerin në miliona pajisje. Kjo gjë që i jep mundësinë të komprometojë teknikisht pajisjet personale.”
TikTok ka rreth 140 milionë përdorues në SHBA. Vitin e kaluar , ai kaloi Google duke u bërë uebsajti më popullor në botë. Ndërkohë , një zëdhënës i TikTok tha se ishte në diskutime me rregullatorët dhe qeverinë amerikane në një përpjekje për të lehtësuar shqetësimet në lidhje me ndikimin që ka dhe të dhënat që trajton.
“ Kontributi i FBI-së po konsiderohet si pjesë e negociatave tona të vazhdueshme me qeverinë amerikane,” tha zëdhënësi. “Ne nuk mund të komentojmë mbi specifikat e këtyre diskutimeve konfidenciale. Por,jemi të sigurt se jemi në një rrugë për të zgjidhur plotësisht të gjitha shqetësimet e arsyeshme të sigurisë kombëtare të SHBA-së.”
Marrë nga: Independent
