Vendin e pret një fundjavë e paqendrueshme. Kjo do të nisë prej mbrëmjes së kësaj të shtune dhe përgjatë së dielës. Sipas Shërbimit Meteorologjik Ushtarak, reshjet e dobëta dhe fillimisht lokale të ditës së shtunë në mbrëmje do të përfshijnë të gjithë vendin me intensitet të ulët dhe në pjesën veriperëndimore edhe shtrëngata me rrufe.
Në orët e vona të mbrëmjes dhe pas mesnatës në veri e veriperëndim reshjet do të fitojnë intensitet deri të lartë. E gjithë pjesa bregdetare ditën e diel do të përfshihet nga reshje rrebeshe e rrufe. Të dielën në mbrëmje intensiteti i reshjeve do të vijë në rënie.
Era do të fryjë nga jugu e vrullshme, sidomos në brigjet detare. Ndërsa valëzimi në det do të jetë i forcës 4-5 ballë.
