Një takim që zhvilloi zv.ambasadori amerikan në Tiranë me Drejtorin e Përgjithshëm të policisë rezultoi në disa premtime nga amerikanët.
Sipas detajeve të bëra publike për mediat, Demian Smith i ofroi Muhamet Rrumbullakut mbështetje për forcimin e mëtejshëm të bashkëpunimit. Dhe, e siguroi për ndihmë nga SHBA, për mbrojtje nga sulmet kibernetike.
"Ambasadori dhe Drejtori i Përgjithshëm e vlerësuan partneritetin si formën më të mirë që i shërben rritjes së parametrave të sigurisë së jetës dhe të biznesit të qytetarëve të të dyja vendeve dhe u dakordësuan që ky partneritet të zgjerohet akoma më shumë në të ardhmen, duke shtuar skuadrat hetimore të përbashkëta dhe shkëmbimet e informacioneve, me qëllim zhvillimin e operacioneve të përbashkëta për goditjen e kimit të organizuar, terrorizmit dhe krimit kibernetik.". Kështu thuhej mes të tjerash në njoftimin e policisë.
Lexo më tej: Babai i Ramazan Rrajës i çon një mesazh shefit të policisë
Lexo më tej: Blutë vijojnë kontrollet/ 10 tentativa për të korruptuar policët rrugorë
