Lista Serbe ka dalë me një sqarim pse nëntë deputetë të rinj të kësaj partie u betuan sot në Kuvendin e Kosovës. Duke zëvendësuar kështu deputetët e dorëhequr ditë më parë.
Në sqarimin e tyre, Lista Serbe ka theksuar se: “Vendimi i sotëm strategjik ka penguar drejtpërdrejt realizimin e planit të Albin Kurtit dhe serbëve të përshtatshëm për të ndryshuar Kushtetutën. Sikurse ligjet që garantojnë të drejtat e popullit serb në Kosovë”.
Më tej thuhet se synimi i Kurtit dhe i ish-deputetes së Kuvendit të Kosovës, Rada Trajkoviçit ishte të votonin ndryshimet kushtetuese.
“Synimi i Kurtit dhe Rada Trajkoviçit, por edhe të tjerëve si ajo, ishte të votonin ndryshimet kushtetuese që do të çonin në shfuqizimin e komunave serbe. Si dhe heqjen e pronave nga Kisha Ortodokse Serbe, heqjen e gjuhës serbe. Apo të drejtën e përfaqësimit në institucione etj”. Kështu thuhet në njoftimin e Listës Serbe.
Lista Serbe është partia më e madhe serbe në Kosovë e cila ka mbështetjen edhe të Beogradit zyrtar. Partia theksoi se ky vendim nuk do ta ndalë procesin e largimit nga institucionet e Kosovës në veri. Proces që sipas tyre është kundërpërgjigje ndaj shkeljes së marrëveshjes së Brukselit.
Lexo më tej: Betohen 10 deputetët e rinj serbë në Kuvendin e Kosovës
Lexo më tej: Zgjedhjet në veri, zbulohet sa do t’i kushtojnë buxhetit të Kosovës
