Elon Musk ka kërkuar nga punonjësit të punojnë shumë për Twitter ose në të kundërt do i pushojë ata.
Stafi mori një email nduke u thënë atyre se kompania do të bëhet "jashtëzakonisht e fortë" në të ardhmen". "Kjo do të thotë të punosh me orë të gjata me intensitet të lartë," tha Elon,sipas një numri raportesh. "Vetëm performanca e jashtëzakonshme do të përbëjë një notë kaluese."
Koha e zotit Musk në Twitter është shënuar nga një qasje gjithnjë e më kundërshtuese ndaj stafit ekzistues. Një nga veprimet e tij të para pas blerjes së kompanisë ishte shkarkimi i gjysmës së stafit që kanë vënë në dyshim strategjinë e tij. Ai është shfaqur gjithashtu duke u tallur me ata punonjës të shkarkuar. Në një postim në Twitter Elon shkroi se "Starlink po rindërton internetin në hapësirë. Kështu që ndoshta unë di pak më shumë se një djalë që ka shkruar kodin për një faqe interneti". Në një tjetër në dukje sarkastike i quajti ata si "gjeni".
Emaili i fundit i Musk vjen më pak se një javë pas një emaili tjetër që kërkonte që punonjësit të ktheheshin në zyrë dhe kërcënonte të pushonte ata që nuk e bënin këtë.
Përpjekja për të prezantuar një version të ri të Twitter Blue gjithashtu është zhytur në konfuzion pasi u lançua, vetëm për t'u tërhequr një ditë më vonë. Miliarderi është shprehur se Twitter ka nevojë për më shumë abonime për të rritur të ardhurat. Ai i tha stafit javën e kaluar se kolapsi i kompanisë nuk ishte i përjashtuar nëse nuk do të bëheshin ndryshime.
Marrë nga: Independent
