Deputetja e Partisë së Lirisë, Monika Kryemadhi u pyet gjatë emisionit Open mbi materialet që ka publikuar në lidhje me aferën e inceneratorëve. Sipas saj çështja do të zbardhet plotësisht vetëm nëse prokurorët ndjekin se ku kanë shkuar paratë.
Ajo sqaroi se dosjen e inceneratorëve nuk e ka marrë në Prokurori, pasi nëse do e kishte marrë atje, i bie t’ja kishte dhënë burri deputetes dhe nënkryetares së Parlamentit, Ermonela Felaj.
“Nuk është ndonjë gjë e këndshme që të shohësh kolegët e tu në Parlament, t’i shohësh brenda në burg. Çështjet e denoncimit që kemi pasur për kompanitë e Elbasanit, ajo që duhet të themi është se shumë gjëra lidhen me njëra-tjetrën. Për inceneratorin e Tiranës janë mjaftuar vetëm me versionin e Veliajt… Zakonisht marrëdhënia e avokatit me të pandehurin duhet të jetë shumë e sinqertë. Zoti Bllako ju gënjen lidhur me shefin e kabinetit. Marrëdhëniet e tij fizike janë ndërprerë që nga 1 tetori me Presidencën. Ndërkohë babai i Alqi Bllakos ka filluar nga nëntori në janar të 2020 të paguhet. E dyta, Bllako ja bëri shumë të thjeshtë hyrjen në burg edhe Lefter Kokës. Unë vijoj ta them dhe jam e bindur se Bllako dhe Koka janë hallka e fundit dhe janë borderoja e skemës së inceneratorëve. Parrulla për mua është shumë e thjeshtë për të gjithë juristët. Ndiq Paratë! Paraja ra në gjurmët e Lefter Kokës dhe Alqi Bllakos në fillim dhe më pas në kompanitë e tjera. Dosjen nuk ma ka dhënë Prokuroria sepse i bie të ma ketë dhënë burri i Ermonela Felajt pastaj. Unë dua të theksoj se përsa i përket 3 kallëzimeve penale unë jam gati nëse kam bërë diçka të pasaktë, të përballem me drejtësinë për shpifje. Unë mendoj që avokati të mos vazhdojë të debatojë më me mua për këtë gjë dhe po të dojë po ja dërgoj edhe shkresën e shkëputjes së marrëdhënieve financiare me Presidencën”, u shpreh Kryemadhi.
https://lapsi.al/2022/11/16/si-i-devijoi-spak-shkeljet-tek-inceneratori-i-tiranes/
