Byroja Kombëtare e Hetimit ka zbarkuar në portin e Durrësit. Ajo po ushtron kontrolle për kapjen e një dërgese kokaine. Agjentët e BKH-së janë rikthyer në port për të ndjekur një tjetër sinjal të dhënë se në doganë ka hyrë sërish lëndë narkotike. Autoritetet portuale Durrës dhe DVP Durrës janë duke ushtruar kontrolle në 184 kontejnerë të importuar në port.
Deri më tani po kontrollohen fizikisht të gjitha ngarkesat. Në ndihmë kanë ardhur dhe qentë anti-drogë. Deri më tani nuk ka asnjë të dhënë se është gjetur ajo që po kërkohej.
