Vetëm një ditë pas arritjes së marrëveshjes mes autoriteteve britanike dhe atyre franceze për të luftuar emigracionin e paligjshëm, përmes ngushticës së La Manshit, hyrja e saj në fuqi tashmë është një realitet. Falë bashkëpunimit mes forcave detare të dy vendeve, që tashmë kanë ndaluar disa varka me emigrantë të paligjshëm. Ata kishin synim të mbërrinin në Mbretërinë e Bashkuar.
Anijet luftarake franceze dhe ato të rojës bregdetare kanë kontaktuar anijet britanike Defender, Hurricane dhe Ranger. Ato kanë marrë varkat që transportonin emigrantë të ndaluara në det të hapur.
Ky zhvillim vjen vetëm 24 orë pasi Sekretarja e Brendshme Suella Braverman ra dakord me homologun francez për një marrëveshje. Kjo dakordësi synon të ndalojë anijet me emigrantë, të cilat vetëm këtë vit kanë sjellë 40.000 persona në Mbretërinë e Bashkuar.
