Seanca për ekstradimin e turkut Faruk Fatih Ozër është shtyrë sërish. Avokati mbrojtës i tij nuk e ka depozituar akoma kërkesën me shkrim për shkarkimin e gjyqtarit të çështjes. Në këto kushte, gjyqtari aktual Elis Dine nuk mund të marrë dot vendim. Për këtë arsye, sot u dëgjuan vetëm pretendimet e avokatit mbrojtës. Mbrojtja kërkon mosekstradimin e Ozër në Turqi pasi sipas tyre ndjehet në rrezik për jetën. Më herët kanë deklaruar se ndaj tij është zhvilluar një sulm politik.
Avokati mbrojtës kërkon që gjykata e Elbasanit të mos nxitohet në kryerjen e ekstradimit, pasi në Turqi Ozër rrezikon më shumë se 400 vite burg sipas sistemit të drejtësisë turke që i përllogarit dënimet për secilin të dëmtuar nga aktiviteti i tij atje!
