Kim Kardashian ka pranuar së fundmi cmimin Giving Tree nga regjisori dhe filantropisti, Tyler Perry. Çmimi vjetor u jepet grave që kanë treguar një përkushtim për fëmijët në nevojë në mbarë botën.
Ajo e filloi fjalimin e saj duke falënderuar Tyler për mbështetjen e tij, përpara se të tregonte se si drejtësia për të gjithë është një pjesë e rëndësishme e punës së jetës së saj.
“Siç e dini shumë prej jush, mbrojtja për drejtësinë është një pasion i thellë i imi”, tha nëna e katër fëmijëve. "Drejtësia për mua ka kaq shumë kuptime. Por në fund të fundit është ajo që e bën botën tonë më mirë,veçanërisht për fëmijët tanë. Unë do të vazhdoj të përdor zërin tim dhe burimet e mia për të sjellë drejtësi barazi për kaq shumë fëmijë, të cilëve u është hequr aksesi në gjërat thelbësore. Ju nuk keni nevojë të keni miliona ndjekës për të bërë një ndryshim. Të gjithë në këtë dhomë kanë fuqinë. Edhe përpjekjet më të vogla ndihmojnë. Mbështetja jonë është më e nevojshme tani se kurrë. Bashkohuni me luftën për ndryshim”.
Themeluesja e Skims vazhdoi të falënderonte prindërit e saj Kris Jenner dhe Robert Kardashia.
"Do të doja të falënderoja prindërit e mi. Mamin Kris që më tregoi se çfarë do të thotë të vendosësh dhe të kujdesesh për të tjerët në radhë të parë," tha ajo. "Dhe babai im, i cili më mësoi në një moshë shumë të re, dhembshurinë, mirënjohjen. Por dhe rëndësinë e përdorimit të kësaj jete që na është dhënë për të bekuar të tjerët."
Kim e përfundoi fjalimin e saj me një thirrje të veçantë drejtuar "njerëzve për të cilët mendoj, kujdesem dhe i dua më shumë se kushdo tjetër", katër fëmijëve të saj, North, Saint, Chicago dhe Psalm./Lapsi.al
