Kryeministri i Kosovës Albin Kurti njoftoi se do të niset drejt Parisit për të marrë pjesë në Forumin e Paqes. Takimi është organizuar nga presidenti Emmanuel Macron. Në një video të shpërndarë në rrjetet sociale, Kurti thotë se është gati që në prani të Macron të takohet edhe me Aleksandër Vuçiç.
“Të enjten, herët në mëngjes do të nisem për Paris për të marrë pjesë në Forumin e Paqes, bashkë me gruan time Ritën, e me ftesë të Presidentit Francez Emmanuel Macron. Përveç punimeve dhe darkës përgjatë këtij forumi prestigjioz, ndoshta mund të ketë edhe një takim trilateral me Presidentin e Serbisë i cili po ashtu është ftuar atje. Unë me vete do të kem ekipin tim 6-anëtarësh nga kryeministria.
Jam i gatshëm sepse i përgatitur, dhe gjithnjë i interesuar, për dialog për marrëveshje, për normalizim të plotë të marrëdhënieve ndërmjet Republikës së Kosovës dhe Serbisë, me njohjen reciproke në qendër. I kemi dy propozime në tavolinë.
Ai imi për kornizën e përgjithshme të marrëveshjes i prezantuar në takimin e 18 gushtit 2022 në Bruksel, si dhe propozimi franko-gjerman që ka mbështetjen e SHBA dhe BE, i prezantuar nga emisarët Jens Plötner dhe Emmanuel Bonne. Dialogu parimor me të tjerët, sundimi i ligjit njësoj për të gjithë, dhe, paqja e siguria në tërë territorin, shkojnë bashkë” – thotë ndër të tjera Kurti në mesazhin e tij.
Më herët edhe Vuçiç njoftoi se do të udhëtojë për në Paris dhe është gati të diskutojë me Vuçiç për situatën. ©LAPSI.al
