Detaje të reja janë zbuluar nga grabitja e ndodhur në Voskop. Mësohet se autorët kanë thyer derën hyrëse. Më pas ata kanë marrë marrë shumat e parave dhe produktet. Autorët e kryen vjedhjen e tyre rreth orës 05:00 të mëngjesit, sipas dëshmisë së pronarit. Ky i fundit, Bledar Leska pati edhe një prononcim për media.
“Kanë qenë 4 persona, kanë çarë derën me këmbë. Ata kanë qenë me maskë më duket dhe me armë, që mbase ka qenë lodër nuk e di, por duket në kamera. Kanë marrë sirtaret komplet me dokumentacionet e djalit dhe lekët që kanë qenë brenda. Kanë marrë komplet ç’kanë qenë paketat aty. Kanë marrë shishet e wiskit dhe duket që e kanë monitoruar gjënë më parë që kanë hyr me dijeni”, ka thënë ai.
Leska u shpreh se ishte i pa mundur identifikimi i tyre pasi ishin të maskuar. Gjatë momentit të vjedhjes nuk pati persona të lënduar përveçse dëme materiale.
