Një 40-vjeçar është vënë në pranga nga policia e Kombinatit. Mësohet se ai është arrestuar pasi kërcënoi me armë zjarri kushëririn e tij. Ata janë konfliktuar për motive pronësie. Pas kallëzimit policia ka gjetur dhe arrestuar shtetasin B. K., 40 vjeç.
“Shërbimet e Komisariatit të Policisë Nr. 6, menjëherë pas marrjes së njoftimit se në fshatin Dorëz, një shtetas, kishte kanosur me armë zjarri një shtetas tjetër (kushëri i tij), kanë organizuar punën në kuadër të operacionit policor të koduar “Dorëz”. Si rezultat, u bë kapja dhe arrestimi në flagrancë i shtetasit:
- B. K., 40 vjeç, banues në Pezë të Madhe, pasi dyshohet se gjatë një konflikti për motive pronësie, ka kanosur me armë zjarri pushkë, shtetasin B. K (kushëri i tij).
Në momentin e ndërhyrjes së shërbimeve të Policisë, 40-vjeçari ka tentuar ta fshehë armën e zjarrit pushkë, në afërsi të banesës së tij, por ajo është gjetur nga shërbimet e Policisë dhe është sekuestruar në cilësinë e provës materiale.”, thuhet në njoftimin e policisë.
Ai u kap teksa tentonte të fshihte pushkën në afërsi të banesës së tij. Ndëkohë prokuroria ka nisur hetimet për ngjarjen.
