Familjarët e 50-vjeçari Xherxh Laçi, i cilësuar si radikalist nga policia, kanë reaguar për mediet pas arrestimit të tij. Sipas motrës së Laçit, 50-vjeçari nuk vuan nga asnjë problem mendor. Ajo shton se Xherxhi nuk ishte i dhunshëm, pavarësisht se në një dëshmi para policisë bashkëshortja dhe fëmijët e Xherxhit kanë pranuar se ai i dhunonte fizikisht dhe psikologjikisht. Motra shton se i vetmi problem me të cilin përballet Laçi dhe familja e tij është ai ekonomik.
Fjala e motrës së Laçit:
“Të lirohet e t’i gjejnë Xherxhit një punë të lehtë, roje ta çojnë. Të çoje fëmijët në shkollë. Gruan t’ja fusin në një punë, pastruese në bashki a kudo. A ka shtet apo jo? Ti marri se ka punë plot. Problemet janë të qeverisë se ka dhënë urdhër të prishë shtëpinë. Xherxhi nuk është i sëmurë, është me diabet. Asnjë sëmundje tjetër nuk ka. Trutë fiks fare i ka. Të shkojnë të arrestojnë doktorin. Pse nuk i jep pension Xherxhit? Gruan e fëmijët nuk i ka dhunuar, në asnjë mënyrë. S’është e vërtetë. Pretendojnë se duan të dalin e të bredhin rrugëve. Nuk i ka mbajtur as ngujuar. Nuk ka mundësi Xherxhi t’i çojë në gjimnaz. Xherxhi ka mbaruar shkollën e lartë, profesor është. Ai është njish, i marrtë të keqen kush e shan”, tha motra.
[video width="640" height="352" mp4="https://cdnimpuls.com/lapsi.al/wp-content/uploads/2022/11/WhatsApp-Video-2022-11-07-at-1.51.38-PM-1-2-1.mp4"][/video]
Kanë qenë komshinjtë që lajmëruan policinë pasi dyshonin se Xherxh Laçi mund të kishte dhunuar familjarët. Pasi ka mbërritur policia, Laçi është shprehur se jetojnë në kushte të veshtira ekonomike. Më pas është mësuar se Laçi kishte ngujuar bashkëshorten e tij për 6 vite me radhë në zonën e '5 Majit’ në Tiranë. Prej 1 viti, 50-vjeçari ngujoi edhe dy fëmijët e tij, të cilët nuk i kishte lënë të vazhdonin gjimnazin. Vetë Laçi dilte nga shtëpia vetëm ditën e premte, pasi shkonte në xhami për t'u falur.
