Edhe mediat italiane u kanë kushtuar vëmendje zhvillimeve në veri të Kosovës. “Moska ndez konfliktin në Kosovë”, - e titullon gazeta italiane, “La Repubblica” shkrimin e saj.
Ajo nënvizon se shkruan se politikanët dhe policët serbë dhanë dorëheqjen në shenjë proteste kundër Qeverisë së Kosovës dhe se për këtë “kryeministri akuzon Rusinë” dhe se “Beogradi e ka vendosur ushtrinë në gatishmëri”.
“Këtë herë shpërthimi është edhe më afër Italisë. Një zjarr mbi të cilin fryjnë me kokëfortësi emisarët e Kremlinit, me të njëjtin qëllim si për pushtimin e Ukrainës: të vihet në dyshim arkitektura e sigurisë në Europë e projektuar në tridhjetë vitet e fundit. Duke filluar nga ku filloi gjithçka: Ballkani. Serbët sot u mblodhën në Mitrovicën e Veriut, ku u mbajt një tubim protestues i thirrur nga Lista Serbe.
Para zyrtarëve të kësaj partie, policët serbë të shtunën i zhveshën uniformat e Policisë së Kosovë. Sipas Listës Serbe, s’ka më asnjë serb në institucionet e Kosovës, përfshirë Qeverinë dhe Parlamentin. Ky vendim erdhi pas refuzimit të Qeverisë së Kosovës për të hequr dorë nga vendimi për zëvendësimin e targave të automjeteve, të cilat lëshohen nga Serbia”, - shkruan “La Repubblica”.
LEXO EDHE: Kurti bisedon me Borrellin: S’ka alternativë ndaj dialogut dhe institucioneve
“Përtej kufirit, Beogradi ka forcuar edhe dislokuar forcat e tij. Ato janë vënë në gatishmëri pasi kanë parë dronë të dyshimtë. Me pak fjalë, një shkëndijë mund të ndezë gjithë vendin. Kujt i intereson? Vetëm Rusisë. Në Prishtinë, kryeministri Albin Kurti bëri thirrje për të mos bojkotuar institucionet, duke u bërë thirrje serbëve etnikë që "të mos bien pre e manipulimeve politike dhe lojërave gjeopolitike". Më pas ai akuzoi Beogradin: “Po bëhet instrument i Kremlinit”.
Në të njëjtat orë, presidenti i Serbisë Aleksandar Vuçiq takoi ministrat e tij. Takoi patriarkun ortodoks Porfirije dhe ambasadorin rus dhe kinez për të diskutuar situatën në Kosovë. Një telefonatë i është kushtuar ambasadorit amerikan. Vuçiç tha se do të mbrojë "interesat jetike kombëtare" – shkruan “La Repubblica”. Më ajo pas bën edhe një përshkrim të situatës në Bosnje Hercegovinë.
“Duket sikur dora e historisë po kthehet mbrapa. Kjo duke rrezikuar ekuilibrat e ndërtuar me mundim pas konflikteve të ashpra dhe gjithmonë të varura fije të perit pa gjetur stabilitet të vërtetë. Por objektivi strategjik i Moskës është pikërisht pastrimi i hartave pas rënies së Murit të Berlinit, për të imponuar rolin e saj si një fuqi e madhe. Me çdo kusht” – e mbyll gazeta italiane. ©LAPSI.al
