Gerard Pique ka zbuluar së fundmi se do të tërhiqet nga futbolli. Ai vuri në dukje se ndeshja e skuadrës në La Liga kundër UD Almería më 5 nëntor do të jetë e fundit.
Në një video-mesazh duke njoftuar vendimin e tij , Pique adresoi thashethemet e fundit rreth tij. "Javët, muajt e fundit, shumë njerëz kanë folur për mua," tha ai. "Deri tani, nuk kam thënë asgjë. Por tani, dua të jem ai që flet për mua. Që në moshë shumë të re,doja të bëhesha lojtar i Barcelonës."
“Kam menduar shumë për atë fëmijë kohët e fundit”, vazhdoi ai në videon e tij. "Për atë që do të kishte menduar Gerardi i vogël nëse do t'i kishin thënë se të gjitha ëndrrat e tij do të realizoheshin. Se ai do të arrinte në ekipin e parë të Barcelonës. Se do të fitonte çdo trofe të mundshëm. Se do të bëhej kampion evropian dhe kampion bote. Se do të luante përkrah lojtarëve më të mirë të historisë. Do të bëhej një nga kapitenët e skuadrës, do të bënte miq për jetën”.
“Kanë kaluar 25 vjet që kur jam bashkuar me Barçën”, vazhdoi futbollisti . "Unë u largova dhe u ktheva. Futbolli më ka dhënë gjithçka. Barça më ka dhënë gjithçka. Ju, më keni dhënë gjithçka. Dhe tani që të gjitha ëndrrat e atij djali janë realizuar, dua t'ju them se kam vendosur që tani është koha për ta çuar këtë rrugëtim deri në fund. Unë gjithmonë kam thënë se nuk do të ketë asnjë ekip tjetër pas Barçës. Dhe kështu do të jetë."
"Unë do të bëhem një tifoz i rregullt. Unë do të mbështes ekipin," vuri në dukje Gerard. "Unë do t'ua kaloj dashurinë time për Barçën fëmijëve të mi. Ashtu siç bëri familja ime me mua.Rroftë Barça. Gjithmonë."/Lapsi.al
