Kevin Spacey po kthehet në jetën publike. Ai do të marrë pjesë në një masterklasë në Muzeun Kombëtar të Kinemasë në Torino, Itali dhe do të marrë një çmim më 16 janar 2023.
Ngjarja do të përfshijë gjithashtu një shfaqje të një prej filmave të tij që vetë aktori do të përzgjedhë sipas Variety. "Ne jemi të nderuar që një mysafir kaq prestigjioz si Kevin Spacey ka zgjedhur Torinon. Një vend institucional siç është muzeu ynë për këtë kthim të mirëpritur" tha presidenti i Muzeut Kombëtar të Kinemasë të Italisë, Enzo Ghigo . “Është një privilegj të pres klasën master të një prej aktorëve më të mëdhenj të kinemasë të kohës sonë”.
Biletat për masterclassin e Spacey do të dalin në shitje të martën, më 20 dhjetor . Ende nuk është bërë e ditur nëse ngjarja do të transmetohet drejtpërdrejt në ndonjë format. Në maj, aktori u akuzua për sulm seksual ndaj tre burrave në Mbretërinë e Bashkuar. Ai u largua nga një film i ardhshëm për Genghis Khan në korrik pas akuzave. Gjyqi i tij në Mbretërinë e Bashkuar është planifikuar të fillojë më 6 qershor 2023. /Lapsi.al
Lexo Edhe: https://lapsi.al/2022/07/14/kevin-spacey-shpallet-i-pafajshem-per-akuzat-per-sulm-seksual/
