Policia greke ka sekuestruar një ngarkesë me 375 kilogramë lëndë narkotike hashash, në Zagor të Janinës. Droga ishte e ndarë në 85 pako dhe po transportohej me një furgon. Mësohet se dy persona janë arrestuar nga autoritetet greke. Të arrestuarit do të dërgohen në prokurorinë e Janinës. Mediet lokale raportojnë se një furgon që vinte nga kufiri i gjelbër është ndaluar dhe në të është gjetur dhe sekuestruar lënda narkotike.
Raportohet se mjeti rezulton i vjedhur në Athinë në korrik të vitit 2020. Sakaq, përveç drogës, janë konfiskuar edhe pesë aparate celularë, një shumë parash dhe automjetet e mësipërme.
