Një shtetas me inicialet A.D. ka pësuar djegie duke u munduar të shuajë flakët që kishin përfshirë magazinën që ai përdorte për ushqimin e kafshëve. Ngjarja ka ndodhur në fshatin Kamenicë të qytetit të Korçës, rreth orës 21:00.
I dëmtuari është nisur në spitalin e Korçës nga ku po merr ndihmë mjekësore.
Njoftimi i policisë:
Korçë/Informacion paraprak
Më datë 01.11.2022, rreth orës 21:00, në fshatin Kamenicë, Korçë, ka rënë zjarr në ambientin ku mbahej baza ushqimore e bagëtive, në pronësi të shtetasit A. D. Duke u munduar të shuante zjarrin, ai ka pësuar djegie trupore. Aktualisht ndodhet në spitalin e Korçës, nën kujdesin e mjekëve.
Grupi hetimor po punon për zbardhjen e rrethanave.
