Billie Eilish ka zyrtarizuar lidhjen e saj me muzikantin, Jesse Rutherford.
Këngëtarja ndau disa foto nga festimet e fundjavës së Halloween-it, duke përfshirë një foto të tyre me kostumin e foshnjës dhe një të moshuari. Ajo gjithashtu përfshiu një foto të Rutherford si një klloun.“Jeta është cmenduri. Gëzuar Halloween”, ka shkruar Eilish në postim.
Çifti u kritikua së fundmi kur debutuan kostumet e tyre të Halloween. “Nuk mund të besoj se Billie Eilish dhe Xhessi Rutherford nuk u veshën për Halloween”, shkroi një fans në Twitter, duke u tallur me diferencën 10-vjeçare të çiftit. "Billie është e rritur mjaftueshëm për të ditur sa e çuditshme dhe e frikshme është kjo," shkroi një tjetër.
Dyshja fillimisht ndezën thashethemet për lidhje në mes të tetorit kur u fotografuan duke darkuar së bashku në Los Anxhelos. Mbrëmjen tjetër, ata u panë të kapur për dore në Netët Horror të Halloween të Universal Studios. Fotot e shpërndara nga fansat në atë kohë zbuluan se muzikantët e njihnin njëri-tjetrin të paktën që nga viti 2017 – kur Eilish ishte 15 vjeç dhe Rutherford ishte 26 vjeç.
Artistja ka qenë më parë në lidhje me reperin Brandon "Q" Adams dhe aktorin Matthew Tyler Vorce. Ndërsa Jesse ishte në një marrëdhënie me modelen Devon Lee Carlson për gjashtë vjet deri në ndarjen e tyre vitin e kaluar./Lapsi.al
