Sipas MeteoAlb, parashikimi i motit për këtë fillim nentori do të nisë me kthjellime deri në orët e mesditës. Në zonat malore do të ketë kalime të pakta të vranësirave. Por në vijim pritet që vranësirat të shfaqen në një pjesë të mirë të vendit tonë. Më të shpeshta vranësirat do të jenë në zonat Lindore të Shqipërisë.
Temperaturat e ajrit do të rriten lehtë në mëngjes. Por do të mbeten kostante në mesditë duke luhatur vlerat ditore nga 8°C deri në 27°C. Era do të fryjë e lehtë dhe mesatare në det me shpejtësi 28 km/h nga drejtimi Jugor duke krijuar në brigjet detare dallgëzim 1 – 2 ballë.
Rajoni dhe Europa
Europa Lindore dhe Jugore parashikohet të jenë në mbizotërimin e motit të qëndrueshëm. Pritet të ketë alternime kthjellimesh dhe vranësirash të pakta. Ndërsa, qendra e kontinentit dhe Europa Veriore paraqiten me vranësira të shpeshta, të cilat pritet të gjenerojnë reshje shiu të shoqëruara herë pas here me mini stuhi ere.
Kosova
Vlerta e larta barike do të vijojnë të diktojnë kushtet e motit në territorin e Kosovës duke sjell orë të shumta me diell gjatë paradites. Ndërsa pas mesdite vranësirat do të shfaqen vend, ku më të fokusuara pritet të jenë në zonat Veriore.
Maqedonia e Veriut
Pjesa e parë e ditës do të vijoj të jetë nën ndikimin e motit të kthjellët në pothuasje të gjithë territorin e MV. Por parashikohet që pas mesdite në MV të ketë kalime të pakta vranësirash, ku më të fokusuara vranësirat do të jenë në zonat Lindore por nuk do të mund të sjellin reshje shiu.
