Një hetim kompleks i kryer vitet e fundit nga agjentët e Komisariatit të Policisë së Rietit, i koordinuar nga Prokuroria Publike vendave, përfudnoi me ndalimin e 31 personave dhe çmontimin e 4 rrjeteve kriminale të furnizimit me lëndë narkotike.
Organizatat “dyndën” territorin e Rietit me kokainë, hashash dhe marijuanë, shkruan policia.
Hetimi nisi me arrestimin e një shtetasi shqiptar nga hetuesit e Policisë së Shtetit pas një aktiviteti të gjatë hetimi dhe vëzhgimi që mundësoi konstatimin e trafikut të kokainës.
Pas këtij arrestimi, në fakt, agjentët e Policisë së Shtetit identifikuan dhe prishën rrjetin e parë të furnizimit, duke sekuestruar një sasi të madhe kokaine nga Campania që do të futej në tregun e Rietit nga shtetasi shqiptar dhe bashkëpunëtorët e tij.
Bashkë me shqiptarin, janë arrestuar edhe 8 persona të përfshirë në shitjen e mbi 200 gramë kokainë blerësve të Rieti të cilët prisnin ngarkesën në një apartament në lagjen Villa Rieti.
Hetimet e mëpasshme nga agjentët e Policisë së Shtetit bënë të mundur identifikimin e kanaleve të tjera të furnizimit me drogë: i pari, që vinte nga Terni, ku një tjetër shtetas shqiptar, me bashkëpunimin e një gruaje, do të fuste edhe 15 gramë të tjera kokainë; e dyta, e ardhur nga Roma, në të cilën një burrë me banim në Contigliano, i kishte shitur një shpërndarësi lokal droge mbi 250 gram hashash.
Hetimet e kryera nga hetuesit e Policisë së Shtetit bënë të mundur arrestimin e furnitorit të lartpërmendur, duke hetuar edhe bashkëjetuesen e tij në gjendje të lirë, të cilës i gjetën në shtëpi mbi 100 gram kokainë , 200 gram hashash dhe 60 gram marijuanë, si dhe një seri të gjatë shënimesh që i atribuohen kontabilitetit të veprimtarisë së paligjshme me numra dhe emra klientësh të shumtë, shkruajnë mediet italiane.
Në vijim të hetimeve, hetuesit e Policisë së Shtetit identifikuan një kanal shtesë furnizimi me drogë që nga kryeqyteti, fuste kokainë dhe hashash në territorin e Rietit, falë lulëzimit të aktivitetit të paligjshëm të kryer nga një çift banues Torricella në Sabina.
Pas arrestimit të një klienti të tyre, me banim në Antrodoco, të cilit iu gjetën 10 gramë kokainë, dy bashkëshortët u bllokuan dhe u arrestuan në flagrancë, ndërsa duke u kthyer nga Roma mbanin mbi 1 kg hashash të ndarë në pako.
Pas hetimeve u arrestuan në flagrancë 17 persona dhe filloi hetimi në në gjendje të lirë për 14 persona të tjerë, të cilët rezultojnë përgjegjës për posedim droge për qëllime trafiku.
