Princi Harry shkroi kujtimet e tij të ardhshme 'për vete', ka pohuar një burim.
Autobiografia e cila do të publikohet më 10 janar, pritet të jetë një lexim shumë kritik ndaj familjes mbretërore. Por duke folur për The Telegraph, një burim ka pohuar se Harry zgjodhi 'lumturinë e tij' duke shkruar librin. Ai 'nuk mund të vazhdonte të përpiqej të bënte familjen e tij të lumtur'.
“Ju nuk mund ta jetoni gjithmonë jetën tuaj duke u përpjekur të bëni të lumtur familjen ose vëllezërit e motrat. Ju duhet ta zgjidhni vetë lumturinë tuaj", u shpreh burimi. Kjo vjen pasi raportet pretendonin se Princi mund të fluturojë në Britani në Vitin e Ri. Sipas tyre, ai dëshiron të shpjegojë 'qëllimin' e tij në shkrimin e librit.
Detajet e librit u zbuluan dhe përshkrimi i botuesit Penguin Random House thoshte: "Me ndershmërinë e tij të papërpunuar dhe të patundur, Spare është një botim historik plot me njohuri. 'Spare' i kthen lexuesit menjëherë në një nga imazhet më të zjarrta të shekullit të njëzetë: Dy djem të rinj. Dy princa, duke ecur pas arkivolit të nënës së tyre, ndërsa bota e shikonte me pikëllim.
Botuesit e kanë bërë të qartë se Harry nuk do t'i shmanget temave , siç është vendimi i familjes që ata të ecnin pas arkivolit të Dianës.
Ai gjithashtu mund të zbulojë se cili anëtar i familjes ka bërë një koment racist në lidhje me ngjyrën e djalit të tij të palindur në atë kohë, Archie apo raportin me William./Lapsi.al
