Policia në Tiranë ka vënë në pranga një 37-vjeçar dhe ka shpallur në kërkim një tjetër pasi mashtruan një qytetare duke i marrë një shumë të konsiderueshme parash. Njoftohet se në pranga është vënë Elvis Boka, 37 vjeç, banues në Tiranë dhe në kërkim është shpallur D. R., 35 vjeç.
Bëhet e ditur se Boka dhe 35-vjeçari i shpallur në kërkim duke qenë të punësuar si administratorë në një subjekt, kanë përvetësuar, nëpërmjet mashtrimit, shumën prej 25 mijë euro, nga një qytetare, me pretendimin se do t’i blinin asaj një apartament.
