Një automjet i ngarkuar me jonxhë është shkrumbuar në rrugën Thumanë-Fushë Krujë. Drejtuesi i saj ka pohuar se afër vendngjarjes po digjeshin shkurre dhe ferra. Sipas tij, erërat kanë përcjellë shkëndijat e zjarrit në kamionin e ngarkuar me jonxhë të thatë. Pasi ka marrë flakë është djegur gjithë ngarkesa.
Sipas drejtuesit të mjetit policia ka mbërritur menjëherë në vendin e ngjarjes. Ndërkohë zjarrfikësja e Krujës erdhi 1 orë me vonesë. Si pasojë e ngjarjes është krijuar trafik rreth 7 kilometra, nga Fushë-Kruja deri në Thumanë.
