Ndryshimi nw Britani ka filluar. Monedhat e para që mbajnë imazhin e mbretit Charles III tani janë duke u prerë në mënyrë që të hidhen në qarkullim në Mbretërinë e Bashkuar në dhjetor.
Monedhat 50 penash me një imazh të Charles të krijuar nga skulptori britanik Martin Jennings po prodhohen në Uells në The Royal Mint, e cila ka prodhuar monedha me monarkë britanikë mbi to për 1100 vjet që datojnë nga Alfredi i Madh.
Skulptori Martin Jennings, i cili krijoi portretin e Mbretit, tha se të dëshmosh prodhimin e monedhës ishte një "përvojë mjaft e jashtëzakonshme".
Ai tha se u deshën muaj punë të mundimshme për të bërë imazhin e duhur. Ai përdori fotografitë e mbretit Charles në ditëlindjen e tij të 70-të për të krijuar një shëmbëlltyrë të monarkut, në atë që është vepra më e vogël që i është dashur të prodhojë ndonjëherë.
"Duhet të jetë një portret i saktë, por edhe që thotë diçka për vlerat e qëndrueshme të institucionit që ai përfaqëson," tha Jennings.
Ana e pasme e medaljes është një kopje e modelit të përdorur në Kurorën e vitit 1953, për të përkujtuar kurorëzimin e Mbretëreshës.
Përfundimisht, do të prodhohen 9.6 milionë monedha 50p të dizajnit më të fundit. Do të prodhohen prerje të tjera, me imazhin e Mbretit, në përputhje me kërkesën. Ato do të qarkullojnë me monedhat që shfaqin mbretëreshën e ndjerë, që do të pranohen ende në dyqane.
