Quentin Tarantino ka hedhur poshtë pretendimin e Kanye West se ai dhe Jamie Foxx " morën idenë" për konceptin e filmit të tyre të vitit 2012 "Django Unchained" prej tij.
West tha se ai kishte një ide të ngjashme kur fillimisht kishte ideuar videoklipin muzikor për këngën e tij të vitit 2005 "Gold Digger". Ai lëshoi videon zyrtare muzikore në 2009, e cila përqendrohet në një montazh të Foxx dhe Ye duke kërcyer.
Tarantino u shfaq në "Jimmy Kimmel Live" të enjten dhe drejtuesi e pyeti: "Kanye West tha se atij i lindi ideja për "Django Unchained". Ai deklaroi se kur po bënte videon "Gold Digger" me Jamie Foxx jua prezantoi si video dhe më pas ju e kopjuat. A ka ndonjë të vërtetë në këtë?”
Tarantino u përgjigj: “Nuk është aspak e vërtet. E kisha idenë për ‘Django’ shumë më përpara se të takoja Kanye-n. Ai donte të bënte një version filmik gjigant të 'The College Dropout' [albumi debutues në studio i Ye]. Kështu që donte të punësonte regjisorë të mëdhenj që të bënin këngë të ndryshme nga albumi dhe më pas ta nxirrte si film” shtoi ai.
“Ne e përdorëm atë si një justifikim për t'u takuar me njëri-tjetrin. U takuam dhe ia kaluam shumë mirë. Ai më tha se kishte një ide për një video. Unë mendoj se ishte për videon e 'Gold Digger'. Më tha se donte të paraqitej si një skllav teksa këndonte këngën. Ishte një ide vërtet, shumë qesharake”, deklaroi regjisori. Por, do të doja ta kishte bërë.”
Kanye aktualisht po përballet me një reagim masiv pas komenteve të tij të fundit antisemitike./Lapsi.al
