Madonna po i bën të ditur fansave të saj se nuk ka asgjë kundër Cardi B.
Përmes rrjetit të saj social , Madonna postoi një video duke kërcyer me këngën e reperes, WAP. "Të dua zemër", shkroi ajo poshtë videos. Javën e kaluar,artistja deklaroi se për shkak të hapjes së saj ndaj intimitetit në vitet 1980 dhe 1990, artistet femraishin në gjendje të përfitonin nga betejat me të cilat u përball më parë.
Ajo shkroi pjesërisht se ishte "intervistuar nga njerëz mendjengushtë të cilët u përpoqën të më turpëronin për fuqizimin e vetes si grua. Më quajtën kur*ë, shtrigë dhe djall. Tani Cardi B mund të këndojë për WAP-in e saj." Madonna thirri gjithashtu Miley Cyrus dhe Kim Kardashian. "Kim Kardashian mund të dalë në kopertinën e çdo reviste e zhveshur. Miley Cyrus gjithashtu bëri videoklipin, 'Wrecking Ball". Jeni të mirëpritura" shtoi ajo së bashku me një emoji të kllounit.
Cardi B iu kundërpërgjigj këngëtares, duke shkruar në Twitterin e saj, "Unë i kam bërë homazhe kësaj femre kaq shumë herë, sepse jam rritur duke e dëgjuar atë.Ajo mund ta thotë mendimin e saj pa vënë emoji të kllounit . Këto ikonat të zhgënjejnë shumë kur hyn në industri dhe i njeh nga afër".
Postimi origjinal i Madonna-s rrotullohej rreth 30-vjetorit të librit të saj "Sex": "30 vjet më parë botova një libër të quajtur S.E.X. Shkrova gjithashtu për fantazitë e mia seksuale dhe ndava këndvështrimin tim për seksualitetin në një mënyrë ironike"./Lapsi.al
