Vladimir Putin pritet të përshkruajë pikëpamjen dhe potencialisht synimet e tij në lidhje me luftën e nisur që në shkurt në Ukrainë ditën e sotme.
Fjalimi i liderit rus Vladimir Putin pritet të zbardhë shumë gjëra. Nga konflikti dhe e ardhmja e tij, tek përdorimi i mundshëm i armëve bërthamore. Pasi e gjithë bota, përfshirë këtu vendet që i janë kundërvënë por edhe aleatët e tij edhe pse shumë herë më të pakët në numër, duan të dëgjojnë çfarë ka për të thënë presidenti.
Raportohet se seanca ku do të mbajë fjalimin presidenti rus mund të zgjasë disa orë. Ndërsa thuhet se ai do t’i drejtohet Klubit të Diskutimit Valdai. Ky është një institut me bazë në Moskë. Pritet të ketë gazetarët dhe analistë nga vendet e Perëndimit të cilët mund të drejtojnë pyetje.
Nuk ka shumë pikëpyetje se çfarë kërkon Vladimir Putin nga lufta në Ukrainë. Megjithatë, dinamika e luftës ka ndryshuar shumë që nga fillimi i saj. Ukrainasit po kundërsulmojnë fort. Ndërsa Putin ka aneksuar katër rajone të mëdha të vendit fqinj, a do të kërkojë ai një marrëveshje për të ndalur gjithçka këtu? ©Lapsi.al
Lexo më tej: Blinken: E kemi paralajmëruar drejtpërdrejt Putinin për përdorimin e armëve bërthamore
Lexo më tej: “Vazhdimisht kollitet dhe ndjen të përziera”, familjarët e Putin të shqetësuar për shëndetin e presidentit rus
