Akademia Donda e Kanye West do të mbyllet pas komenteve antisemitike.
Lajmi u bë i ditur nga Jason Angell, drejtori i shkollës, përmes një email drejtuar prindërve. “Me gjykimin e themeluesit tonë, Akademia Donda do të mbyllet për pjesën e mbetur të vitit shkollor 2022-2023", shkroi ai.
West hapi Donda Academy, të quajtur pas nënës së tij të ndjerë, në Simi Valley, Kaliforni, në gusht. Ai ka luftuar vazhdimisht me ish-bashkëshorten Kim Kardashian për të regjistruar fëmijët në shkollë. Këngëtari " dikur propozoi "idenë" e tij që katër fëmijët e tyre të shkojnë tre ditë në shkollën e tyre aktuale private dhe dy ditë në Donda Academy. Edhe pse tani nuk do të jetë e mundur që ai plan të hyjë në fuqi këtë vit, emaili i shkollës thoshte se planifikonte të "fillonte përsëri në shtator të 2023".
“Ekipi ynë drejtues do të punojë me zell për të ndihmuar të gjitha familjet gjatë këtij tranzicioni. Do sigurojmë që çdo studiues të ketë atë që u nevojitet për të pasur sukses në komunitetin e tyre të ardhshëm ” përfundoi emaili i Angell. "Ne kemi besim se studiuesit tanë do të vazhdojnë të përparojnë si novatorë krijues dhe udhëheqës akademikë të brezit të ardhshëm."
Partneritetet e biznesit të West gjithashtu kanë marrë fund. Adidas, Gap dhe Balenciaga njoftuan së fundmi se do të heqin dorë nga bashkëpunimet me të. Tërheqja e Adidas rezultoi më e dëmshme financiarisht për Kanye. Vendmi e rrëzoi menjëherë reperin "Flashing Lights" nga lista e miliarderëve. Marrëveshja me kompaninë përbënte 1.5 miliardë dollarë të vlerës neto të tij. Pa të, ai vlerësohet në 400 milionë dollarë, sipas Forbes. /Lapsi.al
