Kryeministri Edi Rama ka reaguar pas publikimit të fluturimeve të tij jashtë vendit nga hakerat iranianë të “Homeland Justice”. Sipas dokumenteve të marra nga sistemi TIMS, rezultonte se kreu i qeverisë ka kryer të paktën 134 fluturime me avion charter që nga viti 2013 deri tani.
Por vetë Rama thotë se kjo nuk është e vërtetë. Si zakonisht ka akuzuar mediat, opozitën dhe gjithë të tjerët se nuk është ashtu siç duket.
“Sikur udhëtimet e mia të punës t’u kushtonin shqiptarëve sa llogaritë që bëjnë nongratat, spiunët dhe topat e mediave të baltës, unë do të isha thjesht njëri prej tyre, po nuk kam asgjë të përbashkët me ta që më ngatërrojnë me veten dhe me charter-at e tyre!
Avioni që unë përdor për udhëtime pune nuk është një charter komercial, po një avion për të cilin jam akuzuar edhe më parë nga të njëjtët delenxhinj dhe i kemi dhënë të plota faktet se pse dhe si konkretisht bëhet fjalë për shpenzime brenda buxhetit të gjithëhershëm të qeverisë!
Sot nuk kam ndërmend të risqaroj të njëjtën akuzë, për të cilën kush dëshiron mund t’i referohet sqarimeve të mëparshme, ndërkohë që qeveria iraniane dhe opozitarianianët shqiptarë e këndojnë atë njëzëri! Çfarë neverie!” – shkruan Rama në Twitter. ©LAPSI.al
LEXO EDHE: Hakerat publikojnë fluturimet e kryeministrit Edi Rama jashtë vendit
